Font Size
Numba 1 Fo Da Tessalonika Peopo 4
Hawai‘i Pidgin
Numba 1 Fo Da Tessalonika Peopo 4
Hawai‘i Pidgin
Dis How God Like Us Live
4 So den, bruddas an sistas, one mo ting. Befo time, you guys wen learn from us guys how you guys suppose to live fo make God stay good inside, jalike you guys stay doing awready. Now we aks you guys an beg you guys fo do um mo an mo still yet, cuz we all stay tight wit da Boss Jesus. 2 You guys know awready da stuff we wen tell you guys fo do. We wen tell you guys dat, cuz da Boss Jesus wen tell us.
3 Now dis wat God like fo real kine. He like you guys be good an spesho fo him, an no go fool aroun da guys o da wahines notting. 4 He like all you guys know how fo take one wife an show her plenny respeck, cuz you an her stay good an spesho fo God. 5 No take her ony cuz you get da hots fo her, jalike all da diffren kine peopos all ova da world ack cuz dey donno God. 6 So, fo all dis kine stuff bout da guys an da wahines, you guys betta not go buckaloose an cheat yoa brudda o sista. Cuz da Boss, he goin punish you guys if you do dat bad kine stuff. Dass jalike we wen tell you guys befo time. We wen tell you guys strait, “You guys betta not fool aroun!” 7 Eh, wen God wen tell us, “Come! Be my guys!” he neva do dat so we can go do pilau kine stuff! He tell us dat so we can come his peopo, good an spesho fo him.
8 So den, da guy dat no take all dis stuff I telling you guys, he no throw out jus one guy, he throw out God! An God da One dat put his Spirit in charge a you guys. Dass da Spirit dat make you guys go all out fo God.
9 You guys no need me write you guys bout how fo show love an aloha fo yoa bruddas an sistas. Cuz God wen teach you guys dat awready. 10 Dass jalike how you guys get love an aloha fo all da bruddas an sistas all ova Macedonia. Eh bruddas an sistas, we beg you guys fo make lidat mo plenny still yet. 11 Go all out fo make nice to everybody, an no bodda odda peopo. Take care yoa own stuffs, an work wit yoa own hands, jalike we wen tell you guys awready. 12 Den da peopo outside dat no trus God, dey goin see how you guys ack, an dey goin get respeck fo you guys. An you guys no goin need notting from nobody.
Da Boss Goin Come Back
13 Eh, bruddas an sistas! We like you guys know da trut bout Godʼs peopo dat stay mahke awready. Den you guys no need feel real sore inside, jalike da odda peopo feel dat no stay shua bout wat God goin do bumbye. 14 Us guys believe dat Jesus wen mahke, an afta dat, he wen come back alive. Dass why we believe dat God goin bring da peopo dat was Jesus guys befo dey wen mahke, fo stay wit him.
15 We tell you guys wat da Boss wen say. All us guys dat goin stay hea dat time wen da Boss come back, we no goin go by him befo Godʼs odda peopo dat wen mahke awready get dea. 16 Cuz da Boss, he goin call out wat everybody gotta do. Da head angel guy goin call um out, an somebody goin blow Godʼs trumpet. An da Boss goin come down from da sky! Den da mahke guys dat wen stay tight wit Christ, dey goin come alive one mo time! 17 Afta dat, Godʼs guys who stay alive dat time an still stay hea, he goin take all us guys togedda wit dem odda peopo up dea inside da clouds, fo meet da Boss up dea inside da sky. An we goin stay wit da Boss foeva.
18 So den, go give each odda dis kine good words, jalike I telling you guys now.
1 Thessalonians 4
New International Version
1 Thessalonians 4
New International Version
Living to Please God
4 As for other matters, brothers and sisters,(A) we instructed you how to live(B) in order to please God,(C) as in fact you are living. Now we ask you and urge you in the Lord Jesus to do this more and more. 2 For you know what instructions we gave you by the authority of the Lord Jesus.
3 It is God’s will(D) that you should be sanctified: that you should avoid sexual immorality;(E) 4 that each of you should learn to control your own body[a](F) in a way that is holy and honorable, 5 not in passionate lust(G) like the pagans,(H) who do not know God;(I) 6 and that in this matter no one should wrong or take advantage of a brother or sister.[b](J) The Lord will punish(K) all those who commit such sins,(L) as we told you and warned you before. 7 For God did not call us to be impure, but to live a holy life.(M) 8 Therefore, anyone who rejects this instruction does not reject a human being but God, the very God who gives you his Holy Spirit.(N)
9 Now about your love for one another(O) we do not need to write to you,(P) for you yourselves have been taught by God(Q) to love each other.(R) 10 And in fact, you do love all of God’s family throughout Macedonia.(S) Yet we urge you, brothers and sisters, to do so more and more,(T) 11 and to make it your ambition to lead a quiet life: You should mind your own business and work with your hands,(U) just as we told you, 12 so that your daily life may win the respect of outsiders(V) and so that you will not be dependent on anybody.
Believers Who Have Died
13 Brothers and sisters, we do not want you to be uninformed(W) about those who sleep in death,(X) so that you do not grieve like the rest of mankind, who have no hope.(Y) 14 For we believe that Jesus died and rose again,(Z) and so we believe that God will bring with Jesus those who have fallen asleep in him.(AA) 15 According to the Lord’s word, we tell you that we who are still alive, who are left until the coming of the Lord,(AB) will certainly not precede those who have fallen asleep.(AC) 16 For the Lord himself will come down from heaven,(AD) with a loud command, with the voice of the archangel(AE) and with the trumpet call of God,(AF) and the dead in Christ will rise first.(AG) 17 After that, we who are still alive and are left(AH) will be caught up together with them in the clouds(AI) to meet the Lord in the air. And so we will be with the Lord(AJ) forever. 18 Therefore encourage one another(AK) with these words.
Footnotes
- 1 Thessalonians 4:4 Or learn to live with your own wife; or learn to acquire a wife
- 1 Thessalonians 4:6 The Greek word for brother or sister (adelphos) refers here to a believer, whether man or woman, as part of God’s family.
Hawai‘i Pidgin (HWP)
Copyright © 2000 by Wycliffe Bible Translators International. All rights reserved
New International Version (NIV) 
Holy Bible, New International Version®, NIV® Copyright ©1973, 1978, 1984, 2011 by Biblica, Inc.® Used by permission. All rights reserved worldwide.
NIV Reverse Interlinear Bible: English to Hebrew and English to Greek. Copyright © 2019 by Zondervan.