Ang tubig ng Meriba.

² At ^(A)walang tubig na mainom ang kapisanan; at ^(B)sila'y nagpulong laban kay Moises at laban kay Aaron.

^3 (C)At sinisi ng bayan si Moises, at nagsipagsalita, na sinasabi, Ibigin sana na kami ay ^(D)nangamatay, nang mamatay ang aming mga kapatid sa harap ng Panginoon!

⁴ At ^(E)bakit ninyo dinala ang kapulungan ng Panginoon sa ilang na ito, upang mamatay rito, kami at ang aming mga hayop?

⁵ At bakit ninyo kami pinasampa mula sa Egipto, upang dalhin kami sa masamang dakong ito? hindi dakong bukirin, o ng igos; o ng ubasan, o ng mga granada; at wala kahit tubig na mainom.

⁶ At si Moises at si Aaron ay umalis sa harap ng kapulungan at napasa pintuan ng tabernakulo ng kapisanan, at ^(F)nangagpatirapa: at ang kaluwalhatian ng Panginoon ay lumitaw sa kanila.

⁷ At sinalita ng Panginoon kay Moises, na sinasabi,

^8 (G)Hawakan mo ang tungkod, at pisanin mo ang kapisanan, pisanin mo at ni Aaron na iyong kapatid, at magsalita kayo sa bato sa harap ng kanilang mga mata, na ibibigay niyaon ang kaniyang tubig; at ^(H)ikukuha mo sila ng tubig sa bato: sa ganito paiinumin mo ang kapisanan at ang kanilang mga hayop.

⁹ At kinuha ni Moises ang tungkod sa ^(I)harap ng Panginoon, na gaya ng iniutos sa kaniya.

¹⁰ At pinisan ni Moises at ni Aaron ang kapulungan sa harap ng bato, at kaniyang sinabi sa kanila, ^(J)Makinig kayo ngayon, mga mapanghimagsik, ikukuha ba namin kayo ng tubig sa batong ito?

¹¹ At itinaas ni Moises ang kaniyang kamay, at pinalong makalawa ang bato ng kaniyang tungkod: at ang tubig ay ^(K)lumabas na sagana, at ang kapisanan ay uminom at ang kanilang mga hayop.

¹² At sinabi ng Panginoon kay Moises at kay Aaron, Sapagka't ^(L)hindi kayo sumampalataya sa akin ^(M)upang ipakilala ninyong banal ako sa mga mata ng mga anak ni Israel, kaya't hindi ninyo dadalhin ang kapisanang ito sa lupain na aking ibinigay sa kanila.

^13 (N)Ito ang tubig ng Meriba; sapagka't sinisi ng mga anak ni Israel ang Panginoon, at siya'y napakilalang banal sa kanila.