Matye 26:20-25

Nouvo Testaman: Vèsyon Kreyòl Fasil

²⁰ Nan aswè Jezi te mete l atab ak douz disip li yo. ²¹ Pandan y ap manje konsa, Jezi di: “An verite m ap di nou, gen youn nan nou ki pral trayi m.”

²² Yo te vin tris anpil epi youn apre lòt yo kòmanse ap mande Jezi: “Rabi, èske se mwen?”

²³ Jezi reponn yo: “Moun nan menm ki fèk tranpe pen nan plat la avè m, se li menm ki ap livre m. ²⁴ Pitit Lòm nan gen pou mouri jan sa te prevwa nan Bib la, men malè pou moun ki livre l bay la. Li t ap pi bon pou moun sa a pou l pa t janm fèt.”

²⁵ Jida, ki te gen pou livre Jezi a, di: “Rabi,^[a] èske se mwen?”

Jezi reponn li: “Se ou ki di l!”