Mak 2:23-28

Nouvo Testaman: Vèsyon Kreyòl Fasil

Jezi se mèt jou saba a

(Mat 12:1-8; Lik 6:1-5)

²³ Apre sa, yon jou saba, Jezi t ap pase nan yon jaden ble. Disip li yo ranmase kèk zepi ble pou yo manje. ²⁴ Kèk Farizyen di Jezi: “Pouki sa n ap fè sa lalwa pa pèmèt nan jou saba a?”

²⁵ Jezi reponn yo: “Èske nou pa li kisa David te fè, lè li menm ak moun ki te avèk li yo te grangou, yo te bezwen manje? ²⁶ Li te antre nan tanp Bondye a, lè Abyata te gran prèt, li pran pen yo te ofri bay Bondye yo, li manje epi li bay mesye ki te ak li yo tou, epi se prèt yo sèlman ki te gen dwa manje pen sa yo.”

²⁷ Jezi di yo ankò: “Saba te fèt pou moun, men se pa moun ki te fèt pou saba, ²⁸ konsa, Pitit Lòm nan se chèf jou saba a.”