Marko 11:12-14

Agano Jipya: Tafsiri ya Kusoma-Kwa-Urahisi

Yesu Aulaani Mtini

(Mt 21:18-19)

¹² Siku iliyofuata, walipokuwa wakiondoka Bethania, Yesu akawa na njaa. ¹³ Na kutokea mbali akauona mti wa mtini umefunikwa kwa matawi yake mengi, hivyo akausogelea karibu ili kuona kama atakuta tunda lolote juu yake. Lakini alipoufikia hakukuta tunda lolote isipokuwa matawi tu kwani hayakuwa majira ya mitini kuwepo katika mti. ¹⁴ Akauambia mtini ule, “Mtu yeyote asile matunda kutoka kwako kamwe milele!” Na wanafunzi wake waliyasikia hayo maneno.