Lik 9:46-48

Nouvo Testaman: Vèsyon Kreyòl Fasil

Kilès ki pi gran?

(Mat 18:1-5; Mak 9:33-37)

⁴⁶ Disip Jezi yo te tonbe nan yon diskisyon sou ki moun pami yo ki ta pi gran pase lòt yo. ⁴⁷ Jezi li menm ki te konnen sa k te nan tèt yo, li pran yon ti moun, li mete l kanpe kote l. ⁴⁸ Apre sa li di yo: “Nenpòt moun ki resevwa ti moun sa a nan non mwen, se mwen menm menm li resevwa. Nenpòt moun ki resevwa m, li resevwa moun ki voye m nan. Paske moun ki pi piti nan pami nou an, se li menm ki pi gran.”