Lik 10:13-15

Nouvo Testaman: Vèsyon Kreyòl Fasil

Avètisman pou moun ki rejte Jezi yo

(Mat 11:20-24)

¹³ Malè pou nou Jwif nan lavil Korazen, malè pou nou Jwif nan lavil Bètsayida.^[a] Si m te fè menm mirak sa yo nan mitan Tir ak Sidon^[b] ki se vil payen, bagay la t ap diferan. Yo t ap kwè se Bondye Papa a ki voye m, epi yo t ap chanje lavi yo. Tann dat moun sa yo t ap gentan sispann fè peche. Yo t ap tèlman regrèt peche yo, yo t ap mete rad sak sou yo. Yo t ap chita nan sann pou montre toutbon vre yo vle chanje. ¹⁴ Men nan jou jijman an, bagay la ap pi rèd pou nou pase pou moun Tir ak Sidon. ¹⁵ E nou menm moun lavil Kapènawòm, nou panse yo pral leve nou pou n rive nan syèl la? Non. Okontrè se nan kote mò yo ye a n ap desann.