4 Mga panginoon, ^(A)gawin ninyo sa inyong mga alipin ang matuwid, at katampatan; yamang nalalaman ninyo na kayo naman ay mayroong ding isang Panginoon sa langit.

²² Mga babae, ^(A)pasakop kayo sa inyo-inyong sariling asawa, na ^(B)gaya ng sa Panginoon.

²³ Sapagka't ang lalake ^(C)ay pangulo ng kaniyang asawa, gaya naman ni Cristo na pangulo ng iglesia, na siya rin ang tagapagligtas ^(D)ng katawan.

²⁴ Datapuwa't kung paanong ang iglesia ay nasasakop ni Cristo, ay gayon din naman ang mga babae ay pasakop sa kani-kaniyang asawa sa lahat ng mga bagay.

²⁵ Mga lalake, ^(E)ibigin ninyo ang inyo-inyong asawa, gaya naman ni Cristo na umibig sa iglesia, at ^(F)ibinigay ang kaniyang sarili dahil sa kaniya;

²⁶ Upang kaniyang pakabanalin ito, na nilinis ^(G)sa pamamagitan ng paghuhugas ng tubig ^(H)na may salita,

²⁷ Upang ang iglesia ay maiharap sa kaniyang sarili na ^(I)maluwalhati, na ^(J)walang dungis o kulubot o anomang gayong bagay; ^(K)kundi ito'y nararapat maging banal at walang kapintasan.

²⁸ Gayon din naman nararapat ibigin ng mga lalake ang kani-kaniyang sariling asawa, na gaya ng kanilang sariling mga katawan. Ang umiibig sa kaniyang sariling asawa ay umiibig sa kaniyang sarili:

²⁹ Sapagka't walang sinoman na napoot kailan man sa kaniyang sariling katawan; kundi kinakandili at minamahal, gaya naman ni Cristo sa iglesia;

³⁰ Sapagka't ^(L)tayo ay mga sangkap ng kaniyang katawan.

³¹ Dahil dito'y ^(M)iiwan ng lalake ang kaniyang ama at ina, at makikisama sa kaniyang asawa; at ang dalawa ay magiging isang laman.

³² Ang hiwagang ito ay dakila: datapuwa't sinasalita ko ang tungkol kay Cristo at tungkol sa iglesia.

^33 (N)Gayon man ay umibig naman ang bawa't isa sa inyo sa kani-kaniyang sariling asawa gaya ng sa kaniyang sarili; at ang babae ay ^(O)gumalang sa kaniyang asawa.

6 Mga anak, ^(P)magsitalima kayo sa inyong mga magulang sa Panginoon: sapagka't ito'y matuwid.

² Igalang mo ang iyong ama ^(Q)at ina (na siyang unang utos na may pangako),

³ Upang yumaon kang mabuti, at ikaw ay mabuhay na malaon sa lupa.

⁴ At, ^(R)kayong mga ama, huwag ninyong ipamungkahi sa galit ang inyong mga anak: kundi ^(S)inyong turuan sila ayon sa saway at ^(T)aral ng Panginoon.

⁵ Mga alipin, ^(U)magsitalima kayo sa mga yaong ayon sa laman ay inyong mga panginoon, ^(V)na may takot at panginginig, sa ^(W)katapatan ng inyong puso, na ^(X)gaya ng kay Cristo;

⁶ Hindi ang paglilingkod sa paningin, na gaya ng pagbibigay lugod sa mga tao; kundi bagkus gaya ng mga ^(Y)alipin ni Cristo, na ginagawa mula sa puso ang kalooban ng Dios;

^7 (Z)Maglingkod na may mabuting kalooban, na gaya ng sa Panginoon, at hindi sa mga tao:

⁸ Yamang napagaalaman na anomang mabuting bagay na gawin ng bawa't isa, ^(AA)ay gayon din ang muling tatanggapin niya sa Panginoon, ^(AB)maging alipin o laya.

⁹ At kayong ^(AC)mga panginoon, gayon din ang inyong gawin sa kanila, at iwan ninyo ang mga pagbabala: yamang napagaalaman na ang Panginoon nila at ninyo ay nasa langit, ^(AD)at sa kaniya'y walang itinatanging tao.